1 تكون دايما مع ربنا وتصلي وتهتم بنفسك مش بتصلي علشان تنجح ومش يومين المذاكره لحد ما تخلص لأ طول عمرك علشان ترضي ربك

2 العب رياضة كتير وليكن تعمل تمرين ضغط ارضي او بطن مثلا عشر عدات كل ساعة مذاكرة

3 ذاكر ساعتين وريح شوية لانك لو حاولت تذاكر وانت مش عايز والله ما هتفهم حاجة

4 مش تحرم نفسك من الحاجة اللي عايزها يعني مثلا لو عايز تلعب بلاي ستيشن او تلعب علي النت شوية ممكن بس في حدود المعقول

5 كلام زملائك وخصوصا اصدقائك تسمعه من ودانك اليمين وترميه من الشمال لانهم هيشككوا ليك في مدرسك واللي يقوللك انا باخد عند فلان وكذا وكذا وكذا تنفض خالص لانك لو سمعت الكلام ده هتتعب واعصابك هتبوظ

6 يكون عندك ثقة في نفسك وفي مدرسك وتساله اي سؤال في دماغك ومش تكسف

7 مش ضروري تحفظ زي ماهو مكتوب بالنص يعني لو عرفت تقول باسلوبك ماشي بس يكون كلام سليم

8 مش تحسد او تحقد علي حد لو حسيت انو اشطر منك بس تحاول تكون احسن منه

9 عدد ساعات مذاكرتك مش يقل باي حال عن 5 ساعات بس يكونوا صح مش تهريج وهزار

10 تراجع دروسك مراجعة مستمرة لان كتر المراجعة هيخليك تشرب المنهج بس بنظام يعني مثلا النهاردة هخصص ساعتين مراجعة عربي وساعة فرنساوي وهكذا

11 اثناء المراجعة تحاول تفهم ثم تفهم ثم تفهم يعني تشرح انت لنفسك تاني وباسلوبك المبسط بحيث المعلومة توصلك بنفسك من نفسك عن اقتناع وبكدة صعب شوية تنساها

12 اي درس خدته تبص فيه وتقراه مش تركنه لان ده هيساعدك موت لما تيجي تراجع والاحسن انك تذاكره بعد ما تخده علي طول

13 حاو انك تاخد اقل عدد من الدروس علي قدر الامكان يعني مثلا انا خدت السنة اللي فاتت 5 دروس بس يعني مش خدت اي درس اضافي حتي في فترة المراجعة الاخيرة لان تعدد المدرسين هيشتت الاتباه وممكن يضيع وقت انت في حاجة ليه

14 لا تنسي ان اعددت جدول للمذاكره علشان متنساش مواد لو عندك مواد كتير زي الازهريه يكون افضل

وربنا يوفقك في النهاية